Enginn þjálfari hefur farið jafn oft með lið Íslands á norðurlandamót til Solna og þjálfari undir 18 ára liðs karla þetta árið, Einar Árni Jóhannsson, en kappanum hefur tekist það nú að fara með lið á 12 af þeim 13 mótum sem haldin hafa verið í Solna. Við ákváðum því að fá hann til að fara aðeins yfir það með okkur hvernig honum fyndist umgjörðin, lið Íslands, hverjir væru bestir/eftirminnilegastir og fleira með okkur.
Það skal tekið fram að byrjunarliðsumræðuna vildi Einar taka upp oftar en einusinni, því hann var allsekki viss um þær stöður sem hann gaf leikmönnum (enda margir farið með honum). Í fyrri upptöku voru Maciek Baginski (sá sem oftast hefur farið af öllum) og Kristófer nokkur Acox nefndir, en urðu svo fyrir utan í þessari upptöku (sem í myndbandinu er)
