Norðurlandamóti U20 ára landsliða kvenna lauk í Kaupmannahöfn í gær. Ísland hafnaði í fjórða og neðsta sæti mótsins og mátti fella sig við stórt tap gegn Eistum í lokaleiknum en Eistar urðu Norðurlandameistarar.
Eistland vann Ísland 76-45 þar sem Sara Rún Hinriksdóttir var stigahæst með 15 stig og 3 fráköst. Sara var einnig valin í úrvalslið mótsins ásamt Sofie Tryggesson, Danmörk, Enna Pehadzic, Danmörk, Matilda Agren, Svíþjóð og Maaja Bratka, Eistlandi.
Úrslit Íslands á mótinu:
Ísland 69-70 Svíþjóð
Ísland 63-86 Danmörk
Ísland 45-76 Eistland
Lokastaða NM 2015
1. Eistland
2. Danmörk
3. Svíþjóð
4. Ísland
Mynd/ Keflvíkingurinn Sara Rún Hinriksdóttir var valin í úrvalslið Norðurlandamótsins.
