Lykilleikmaður 13. umferðar Dominos deildar kvenna var leikmaður Keflavíkur, Thelma Dís Ágústsdóttir. Í góðum sigri hennar stúlkna á Val skoraði hún, 16 stig (73% skotnýting), tók 11 fráköst og gaf 5 stoðsendingar. Þetta er í annað skiptið í vetur sem að Thelma er leikmaður umferðarinnar.
Aðrar tilnefndar voru leikmaður Snæfells, Aaryn Ellenberg-Wiley, fyrir frammistöðu sína gegn Grindavík, leikmaður Stjörnunnar, Danielle Rodriguez, fyrir frammistöðu sína gegn Haukum og leikmaður Skallagríms, Tavelyn Tillman, fyrir frammistöðu sína gegn Njarðvík.
Lykilleikmaður 13. umferðar? #korfubolti
— Karfan.is (@Karfan_is) December 17, 2016
