Lykilleikmaður 11. umferðar Dominos deildar karla var leikmaður ÍR, Sæþór Elmar Kristjánsson. Í framlengdum sigri sinna manna á Keflavík setti Sæþór 7 af 9 þriggja stiga skotum sínum niður í leiknum. Í heildina skilaði hann 21 stigi, 8 fráköstum, stoðsendingu og 3 stolnum boltum.
Aðrir tilnefndir voru leikmaður Tindastóls, Pétur Rúnar Birgisson, leikmaður Hauka, Finnur Atli Magnússon og leikmaður KR, Björn Kristjánsson. Þá átti leikmaður Njarðvíkur, Terrell Vinson einnig afbragðsdag í þessari síðustu umferð fyrir jólafrí, en hann skilaði laglegri þrennu í sigri sinna manna á Hetti, 17 stig, 22 fráköst og 10 stoðsendingar.
Lykilleikmaður 11. umferðar Dominos deildar karla? #korfubolti
— Karfan.is (@Karfan_is) December 14, 2017
