Berglind Gunnarsdóttir leikmaður Íslenska landsliðsins verður í eldlínunni gegn Svartfjallalandi þegar liðin mætast í undankeppni Eurobasket 2019 í kvöld.
Karfan.is tók púlsinn á Berglindi fyrir leik kvöldsins. Þar sem hún sagði liðið vel stemmt fyrir þennan leik en íslenska liðið er enn í leit af sínum fyrsta sigri í þessari undankeppni.
Hvernig lýst þér á leik dagsins gegn Svartfjallalandi?
Við þekkjum andstæðinginn ágætlega þar sem við spiluðum við þær í nóvember. Þetta verður hörð barátta a móti sterku liði.
Hvað þarf liðið að gera til að eiga möguleika í þessum leik?
Fyrst og fremst þurfum við að spila góða vörn og halda þeim í lágu stigaskori. Einnig þurfum við að hitta a góðan leik hja okkar lykilmönnum og spila af krafti í 40 min, ekki bara 20.
Getur liðið tekið eitthvað úr fyrri leiknum inní þennan leik?
Þó að þessar stelpur seu flestar stærri og yfirleitt sterkari en við þá komumst við mjög langt á baráttu og stolti, sem við ætlum að nyta okkur i kvöld.
Hvernig er stemmningin í liðinu fyrir leikinn?
Ferðalagið hefur verið langt en gengið mjög vel. Það er góð stemmning í hópnum og við erum allar spenntar fyrir leiknum í kvöld.
Leikurinn hefst kl 18:00 í Svartfjallalandi. Berglind var í byrjunarliði Íslands gegn Bosníu um helgina og því líklega að hún verði áfram í stóru hlutverki í kvöld.
