Ísland mætir Tékklandi í undankeppni HM 2019 á morgun. Leikurinn er sá fjórði í riðlakeppninni en Ísland vann síðasta leik sinn gegn Finnlandi síðasta föstudagskvöld.
KKÍ tilkynnti rétt í þessu 12 manna leikmannahóp fyrir leikinn gegn Tékklandi. Hópurinn er óbreyttur frá leiknum gegn Finnlandi en Tryggvi Snær Hlinason er kominn til landsins og verður með.
Leikurinn verður einnig síðasti landsleikur Loga Gunnarssonar fyrir Íslands hönd en hann hefur ákveðið að leggja landsliðsskónna á hilluna eftir þennan landsleikjaglugga.
Leikurinn fer fram í Laugardalshöll kl 16:00 á morgun. Búist er við hörku stemmningu og vonast eftir fullu húsi til að hjálpa strákunum að sækja sigur og kveðja Loga Gunnarsson.
Tólf manna landsliðshóp Íslands má finna í heild sinni hér að neðan:
| # | Nafn | Lið | F. ár | Staða | Hæð | Landsleikir |
| 1 | Martin Hermannsson | Chalon Reims, Frakkland | 1994 | B | 194 | 59 |
| 6 | Jakob Örn Sigurðarson | Boras Basket, Svíþjóð | 1982 | B | 190 | 91 |
| 7 | Pétur Rúnar Birgisson | Tindastóll | 1996 | B | 186 | 6 |
| 8 | Hlynur Bæringsson | Stjarnan | 1982 | M | 200 | 119 |
| 9 | Jón Arnór Stefánsson | KR | 1982 | B | 196 | 97 |
| 13 | Hörður Axel Vilhjálmsson | Keflavík | 1988 | B | 194 | 71 |
| 14 | Logi Gunnarsson | Njarðvík | 1981 | B | 192 | 146 |
| 15 | Pavel Ermolinskij | KR | 1987 | F | 202 | 68 |
| 19 | Kristófer Acox | KR | 1993 | F | 198 | 33 |
| 21 | Ólafur Ólafsson | Grindavík | 1990 | F | 194 | 23 |
| 24 | Haukur Helgi Pálsson Briem | Cholet Basket, Frakkland | 1992 | F | 198 | 64 |
| 34 | Tryggvi Snær Hlinason | Valencia, Spánn | 1997 | M | 216 | 26 |
