Fyrir leik
Hér í kvöld mættust lið Vals og Stjörnunnar í 21.umferð Dominosdeildar kvenna. Valskonur voru fyrir leik í 2.sæti deildarinnar með 30 stig en Stjörnukonur voru í því 4. Með 22 stig. Baráttan um gott sæti í úrslitakeppninni í fullum gangi.
Gangur leiks
Leikurinn fór skemmtilega af stað og voru liðin bæði tilbúin í hörkuleik. Valskonur mynduðu sér þó snemmbúna forystu og náðu að halda henni þar til gengið var til hálfleiks. Staðan í hálfleik var 37-27 heimakonum í vil. Stjörnustúlkur að elta og létu Valsaranna ekki komast of langt frá sér. Atkvæðamestar í fyrri hálfleik voru erlendu leikmenn liðanna en Aalyah Whiteside var með 11 stig í fyrri hálfleik en Danielle Rodriquez var með 13.
Stjörnukonur byrjuðu 3.leikhluta mjög vel en Valskonur gáfust ekkert upp og settu niður risa þrista sem bætti bara í forystu þeirra. Valskonur héldu áfram að hamra járnið meðan að það var heitt og enduðu á að sigra leikinn 82-57
Lykillinn
Sterkur varnarleikur Valsara vinnur þennan leik. Stjörnukonur fengu engar körfur gefins og þurftu að hafa heilmikið fyrir þeim, en oft á tíðum fengu Valskonur auðveld skot eða stálu boltanum og fóru í skyndisókn en Stjörnukonur fengu lítið af því. Frákastabaráttan hjálpar Val einnig gríðarlega mikið en þær unnu frákastabaráttuna 51-40
Kjarninn
Valskonur spiluðu flottan körfubolta í kvöld og sérstaklega góða vörn í seinni hálfleik sem gerði gestunum mjög erfitt fyrir.
Samantektin
Fínasta körfuboltaleik lokið í Valsheimilinu í dag en maður hefði viljað sjá Stjörnuna standa betur í Valsliðinu eins og þær gerðu. Ekki besti dagurinn fyrir Stjörnukonur. Aalyah og Guðbjörg áttu flotta leiki í Valsliðinu
Myndasafn (Torfi Magnússon)
Viðtöl eftir leik:
Umfjöllun og viðtöl / Axel Örn Sæmundsson
