Íslenska kvennalandsliðið tekur á móti Sviss í toppslag A-riðils í undankeppni EuroBasket 2029 í Íþróttamiðstöðinni á Ásvöllum í Hafnarfirði í dag klukkan 16:00.
Bæði lið fóru vel af stað í fyrstu umferð riðilsins og sitja jöfn á toppi A-riðils með tvö stig eftir sigra í fyrstu leikjum sínum. Ísland lagði Írland að velli á útivelli í Dyflinni fyrr í vikunni og getur með sigri í dag tekið einráða forystu í riðlinum fyrir lokaleik gluggans gegn Aserbaídsjan.
Þetta er fyrsti opinberi landsleikur þjóðanna í rúman áratug, en liðin mættust síðast í B-deild Evrópumótsins árin 2008 og 2009 og unnu þá sitt hvorn leikinn. Ísland vann heimaleikinn 68–53 árið 2008 en Sviss hafði betur 70–68 ári síðar.
Miðasala á leikinn fer fram í Stubb-appinu og verður leikurinn einnig í beinni útsendingu á RÚV.
Leikur dagsins í undankeppni EuroBasket 2029:
Ísland – Sviss kl. 16:00 (Ásvellir, Hafnarfjörður)
