Tindastóll mátti þola sitt fyrsta tap á tímabilinu í Bónus deild karla í kvöld þegar liðið laut í lægra haldi gegn Álftanesi eftir framlengdan háspennuleik í Síkinu, 105–108. Leikurinn var í járnum allan tímann og mikil barátta einkenndi lokamínúturnar, en Stólarnir sitja nú með sex stig eftir fyrstu fjórar umferðirnar.
Rætt var við Arnar Guðjónsson, þjálfara Tindastóls, eftir leik og má sjá viðtalið í heild sinni í spilaranum hér að neðan.
