Tveimur leikjum er ólokið í 5. umferð Bónus deildar kvenna í kvöld og hefjast þeir báðir klukkan 19:15.
Í Grafarvogi fær botnlið Fjölnis topplið Grindavíkur í heimsókn. Fjölniskonur leita enn að sínum fyrsta sigri á tímabilinu á meðan gestirnir úr Grindavík sitja ósigraðir á toppi deildarinnar eftir fjóra leiki. Á sama tíma mætast Tindastóll og Valur í Síkinu á Sauðárkróki, en bæði lið eru jöfn með 4 stig eftir tvo sigra og tvö töp í upphafi móts.
Leikir dagsins í Bónus deild kvenna:
19:15 Fjölnir – Grindavík
19:15 Tindastóll – Valur
