Álftanes hafði betur gegn KR, 110–95, í stigaháum leik á Icelandic Glacial æfingamótinu í gærkvöldi.
KR-ingar byrjuðu betur og leiddu eftir fyrsta leikhluta, 28–23, en Álftnesingar sneru taflinu við fyrir hálfleik og höfðu fjögurra stiga forystu í leikhléi, 55–51. Í síðari hálfleik héldu leikmenn Álftaness áfram frábærum sóknarleik, unnu báða leikhlutana (28–26 og 27–18) og tryggðu sér öruggan 15 stiga sigur.
Í liði Álftaness var Collin Pryor stigahæstur með 19 stig og 9 fráköst, Sigurður Pétursson skoraði 18 stig, og þeir Luka Gasic og Dedrick Basil bættu við 17 stigum hvor. Hjá KR fór Linards Jaunzems mikinn með 27 stig og 8 fráköst, Adam Ramsted skoraði 19 stig og þeir Rashan Davis og Þorvaldur Orri Árnason skiluðu 15 stigum hvor.
