Bandaríkin og Frakkland mætast í úrslitaleik heimsmeistaramóts kvenna í körfubolta eftir sigra í undanúrslitum í dag.
Frakkar fóru örugglega með sigur af hólmi gegn heimakonum í Þýskalandi, 86–64, þar sem Gabby Williams fór á kostum með 22 stig. Bandaríska liðið þurfti hins vegar að hafa meira fyrir hlutunum gegn Spáni en tryggði sér farseðilinn með góðum lokaspretti í fjórða leikhluta. Breanna Stewart var stigahæst hjá Bandaríkjunum með 16 stig, en stórstjörnurnar Caitlin Clark og Angel Reese áttu báðar erfitt uppdráttar.
Úrslitaleikurinn og bronsleikur Þýskalands og Spánar fara fram á morgun.
