U18 kvenna hefur leik í B-deild Evrópumótsins í Rúmeníu í dag, laugardaginn 1. ágúst.
Íslensku stelpurnar leika í A-riðli mótsins og mæta strax í erfiðan leik gegn heimakonum í Rúmeníu. Flautað verður til leiks í borginni Tulcea klukkan 15:30 að íslenskum tíma.
Þetta er fyrsti leikur Íslands af fjórum í riðlakeppninni, en næstu daga mætir liðið Portúgal, Hollandi og Aserbaídsjan áður en kemur að útsláttar- og umspilsleikjum mótsins.
Aðalþjálfari liðsins er Emil Barja, honum til aðstoðar eru þær Margrét Ósk Einarsdóttir og Inga Fríða Ingvarsdóttir, og skipa tólf öflugir leikmenn hópinn á mótinu.
Hægt er að fylgjast með öllum leiknum í beinni útsendingu í spilaranum hér fyrir neðan.
