Þrír leikir eru á dagskrá átta liða úrslita VÍS bikarkeppninnar í dag.
Hjá körlum eru fyrri tveir leikir átta liða úrslita þar sem Snæfell tekur á móti Tindastóli og Stjarnan fær Grindavík í heimsókn. Seinni tveir leikir átta liða úrslita karla eru svo á dagskrá á morgun mánudag, en þá fær KR lið Breiðabliks í heimsókn og Valur og Keflavík eigast við í N1 höllinni.
Hjá konum voru fyrstu þrír leikir átta liða úrslita á dagskrá í gær, en þar tryggðu Keflavík, Grindavík og Tindastóll sig áfram í undanúrslitin. Lokaviðureign átta liða úrslita sem á dagskrá er í dag er viðureign Ármanns og Hamars/Þórs í Laugardalshöllinni.
Leikir dagsins
VÍS bikar karla – 8 liða úrslit
Snæfell Tindastóll – kl. 16:00
Stjarnan Grindavík – kl. 19:30
VÍS bikar kvenna – 8 liða úrslit
Ármann Hamar/Þór – kl. 18:00
