Zaragoza og Valencia mætast í fyrstu umferð úrslitakeppninnar

Deilarkeppninni í ACB deildinni á Spáni er lokið. Haukur Helgi Pálsson og félagar í La Bruja De Oro falla niður um deild en Jón Arnór Stefánsson og CAI Zaragoza mæta Valencia í fyrstu umferð úrslitakeppninnar.

 

Lokaumferðin fór fram á sunnudag þar sem Zaragoza vann stórsigur en La Bruja De Oro fékk stóran skell.

 

Zaragoza lagði UCAM Murcia 108-74 þar sem Jón Arnór skoraði 14 stig, gaf 6 stoðsendingar og tók 1 frákast. Haukur Helgi lék í 20 mínútur þegar La Bruja De Oro lá 90-59 gegn Valencia sem Zaragoza mætir einmitt í 8-liða úrslitum. Haukur gerði 5 stig í leiknum og tók 2 fráköst.

 

Zaragoza lauk keppni í 5. sæti ACB deildarinnar með 21 sigur og 13 tapleiki. La Bruja De Oro hafnaði í botnsætinu með 6 sigra og 28 tapleiki og eru því fallnir.

 

Real Madrid – Blusens Monbus

Barcelona – Bilbao Basket

Valencia – CAI Zaragoza

Caja Laboral – Gran Canaria