Viðureign CAI Zaragoza og CB Canarias var að ljúka rétt í þessu í ACB deildinni á Spáni. Jón Arnór Stefánsson og Zaragoza máttu fella sig við tap á heimavelli, lokatölur 60-66, CB Canarias í vil.
Jón Arnór skoraði ekki í leiknum en lék í 12 mínútur. Hann brenndi af einu teigskoti og tveimur þristum og tók tvö fráköst. Atkvæðamestur í liði Zaragoza var Damjan Rudez með 19 stig. Zaragoza er því með einn sigur og eitt tap eftir tvær fyrstu umferðirnar í deildinni.
