CAI Zaragoza tók á móti Alba Berlin í Eurocup síðastliðið miðvikudagskvöld en þar áttu Jón Arnór Stefánsson og félagar harma að hefna eftir tap gegn Berlínarliðinu í viðureign liðanna í Þýskalandi. Lokatölur á miðvikudagskvöld voru 75-50 Zaragoza í vil.
Jón Arnór skoraði 5 stig á rúmum 18 mínútum í leiknum og bætti við 3 fráköstum og gaf 3 stoðsendingar. Stigahæstur í liði Zaragoza var Damjan Rudez með 14 stig en Reggie Redding gerði 10 stig í liði Alba Berlin.
Næsti leikur Zaragoza í Eurocup er miðvikudaginn 4. desember næstkomandi þegar Telekom Bakets Bonn mæta í heimsókn til Spánar. Zaragoza er í 3. sæti D-riðils í Eurocup með 4 sigra og 3 tapleiki.
