Hörður Axel Vilhjálmsson hefur ákveðið að taka sér frí frá þjálfun og hefur því sagt starfi sínu lausu sem þjálfari hjá Keflavík. Stjórn deildarinnar lýsir yfir eftirsjá með ákvörðunina en virðir fyrirætlanir hans.
Keflavík þakkar Herði Axel kærlega fyrir hans dýrmæta framlag til félagsins í gegnum árin, bæði sem leikmaður og þjálfari. Stjórnin óskar honum velfarnaðar í öllu því sem hann tekur sér fyrir hendur í framtíðinni.
