Bandaríska háskólaliðið TCU þar sem Helena Sverrisdóttir leikur sá á eftir sjö leikja sigurhrynu í nótt þegar TCU tapaði naumlega gegn Wyoming skólanum á útivelli. Lokatölur voru 73-67 Wyoming í vil.
Helena var næst stigahæst í liði TCU með 15 stig á þeim 37 mínútum sem hún lék í leiknum. Helena landaði tvennu þar sem hún tók líka 10 fráköst og gaf síðan 3 stoðsendingar.
Þegar um fimm mínútur voru til leiksloka var aðeins eins stigs munur á liðunum en Wyoming reyndist sterkari aðilinn á lokasprettinum. Ósigurinn í nótt var fyrsti ósigur TCU í Mountain West deildinni en TCU vann tvo fyrstu leiki sína í riðlinum.
