Eric Julian Wise leikmaður Grindavíkur verður ekki með Grindvíkingum í Ásgarði í kvöld þar sem hann tekur út eins leiks bann. Wise var dæmdur í eins leiks bann vegna háttsemi sinnar í leik Grindavíkur og Snæfells.
Wise átti þá í orðaskiptum við dómara leiksins að leik loknum og fékk þar brottrekstrarvillu. Úrskurðurinn tekur gildi á hádegi í dag og Wise því ekki með Grindvíkingum í Garðabæ í kvöld.
Wise hefur leikið einn deildarleik í Domino´s-deildinni og afrekaði þar að koma sér í leikbann en í leiknum lét hann ekki sitt eftir liggja með 31 stig, 16 fráköst og 2 stoðsendingar. Hann kom með seinni skipunum inn í lið Grindavíkur svo það verður engin nýlunda fyrir gula að leika án erlends leikmanns.
Mynd/ [email protected]
