20:30
{mosimage}
Tíu leikir fara fram í NBA deildinni í nótt og á NBA TV verður stórleikur Washington Wizards og San Antonio Spurs í beinni útsendingu á miðnætti eða kl. 00:00. Leikurinn fer fram í Verizon Center í Washington, höfðuborg Bandaríkjanna. Leikurinn í kvöld er annar leikurinn í átta leikja útihrynu hjá Spurs og töpuðu þeir fyrsta leiknum gegn Phoenix Suns. Wizards eru á hinn bóginn með eitt besta vinningshlutfallið á heimavelli í deildinni og þar innanborðs er ,,Agent 0” eins og hann Gilbert Arenas er jafnan kallaður vestra. ,,Janúar var ekki góður hjá okkur og þessi útileikjahryna mun annað hvort þétta okkur saman sem lið eða skapa sundrung í hópnum,” sagði argentínski landsliðmaðurinn Manu Ginobili, leikmaður Spurs en hann bætti því við að þetta hefði undanfarin tímabil verið sá tímapunktur sem hlutirnir væru að smella saman hjá Spurs. Hvað verður í kvöld í Washington kemur í ljós á NBA TV á miðnætti.
Aðrir leikir næturinnar:
Toronto Raptors-Orlando Magic
Philadelphia 76ers-Charlotte Bobcats
Atlanta Hawks-New Jersey Nets
Cleveland Cavaliers – LA Clippers
Indiana Pacers – Seattle Supersonics
Boston Celtics-Miami Heat
Minnesota Timberwolves-Golden State Warriors
Dallas Mavericks – Memphis Grizzlies
Denver Nuggets – New Orleans Hornets
