Körfuknattleiksdeild Vestra hefur samið við Olaviu Crawford um að leika með meistaraflokki kvenna í 1. deildinni í vetur. Olivia, sem er 23 ára leikstjórnandi, lék með Seattle University á síðustu leiktíð og er að hefja sinn atvinnumannaferil.
Vestri er að tefla fram kvennaliði í fyrsta sinn í fimm ár en síðast tók félagið þátt tímabilið 2014-2015 er það endaði í þriðja sæti í 1. deildinni undir merkjum KFÍ. Uppistaðan í liðinu verða 15-18 ára leikmenn Vestra sem hafa spilað upp alla yngri flokka deildarinnar og þjálfari liðsins er Pétur Már Sigurðsson.
