Ameríkukeppninni var að ljúka í gærkvöldi og óhætt að segja að Venesúela hafi komið mörgum á óvart með því bæði að komast alla leið í úrslitaleikinn og þar að leggja Argentínumenn að velli í úrslitaleiknum sjálfum! Lokatölur 76-71 Venesúela í vil sem fagnaði sínum fyrsta Ameríkutitli í sögu landsins.
Bandaríkjamenn telfdu ekki fram liði en þeir eru þegar komnir með sæti á Ólympíuleikunum í Ríó á næsta ári.
Ameríkukeppnin fór fram í Mexíkó þar sem heimamenn léku um bronsið gegn Kanada en Kanadamenn lönduðu bronsinu í miklum spennuslag í gær.
Aðeins tíu lið léku í Ameríkukeppninni og hér er lokastaða þeirra:
1. Venesúela
2. Argentína
3. Kanada
4. Mexíkó
5. Púertó Ríkó
6. Dóminíska Lýðveldið
7. Panama
8. Úrugvæ
9. Brasilía
10. Kúba
Heissler Guillent kom sterkur af bekk Venesúela í úrslitaleiknum í gær og skoraði 15 stig, tók 2 fráköst og gaf 3 stoðsendingar en hjá Argentínumönnum var Andrés Nocioni atkvæðamestur með 22 stig og 8 fráköst.
Það helsta frá úrslitaleik Venesúela og Argentínu
