Úrslit: Þórsfögnuður – svona verður úrslitakeppnin!

Í kvöld lauk deildarkeppninni í 1. deild karla þar sem Þór Akureyri fékk afhent sigurlaun sín fyrir sigur í deildarkeppninni. Þór skellti þá ÍA 107-74 á Akureyri og við fengum staðfest hvernig úrslitakeppnin verður skipuð. Þá eftir kvöldið sjáum við á eftir KFÍ inn í sögubækurnar en félagið lék sinn síðasta mótsleik á Íslandsmótinu í kvöld. Eftir 67-83 sigur á Ármanni er áratuga langri göngu KFÍ lokið og félagið Vestri sem mætir til leiks næsta tímabil.

Þá eftir leikir kvöldsins er ljóst að Reynir Sandgerði og Ármann eru fallin í 2. deild. Ármann gat bjargað sér með sigri í kvöld á KFÍ en verðandi Vestra-menn höfðu betur. 

Úrslit kvöldsins í 1. deild karla

Fjölnir 89-85 Skallagrímur

Þór Akureyri 107-74 ÍA

Valur 107-95 Breiðablik

Hamar 120-53 Reynir Sandgerði

Ármann 67-83 KFÍ 

Svona verður úrslitakeppnin í 1. deild karla en þar er barist um hvaða lið muni fara upp með Þór Akureyri í Domino´s-deild karla:

Fjölnir – ÍA

Valur – Skallagrímur 

Fjölnir og Valur verða með heimaleikjaréttinn í úrslitakeppninni. 

Lokastaða 1. deildar karla (leik KFÍ og Ármanns vantar inn í lokastöðuna en KFÍ lauk deildarkeppninni með alls 8 stig)
 

Ljósmynd/ Páll Jóhannesson – Menn höfðu ástæðu til að gleðjast á Akureyri í kvöld.