Úrslit: Palm með læti í fyrsta leik – afgreiddi Hamar með flautukörfu

Heil umferð fór fram í 1. deild karla í kvöld þar sem Eric Palm kláraði Hamar með flautukörfu í fyrsta sigri Þórs í deildinni þetta tímabilið. Þá hélt KFÍ sigurgöngu sinni áfram og vann sinn áttunda deildarsigur í röð með 75-91 sigri gegn Hetti á Egilsstöðum.

Arnar Pétursson gerði 28 stig og tók 4 fráköst í liði Blika en hjá ÍA var Terrence Watson með 18 stig og 18 fráköst.

 

Jón Rúnar Arnarson gerði 24 stig í liði Ármenninga en hjá FSu var Sæmundur Valdimarsson með 31 stig og 11 fráköst.

Eric Palm var hetja Þórsara er hann skoraði síðustu stig leiksins fyrir utan þriggja stiga línuna og tryggði Þór sigurinn í sínum fyrsta leik á Íslandi þetta tímabilið. Palm gerði 22 stig fyrir Þór í leiknum og gaf 4 stoðsendingar en hjá Hamri var Brandon Cotton með 25 stig.

Dominique Holmes geðri 16 stig og tók 7 fráköst í liði Skallagríms í leik þar sem Hörður Helgi Hreiðarsson snéri aftur eftir meiðsli og splæsti í 4 stig fyrir Skallana á rúmum 14 mínútum. Hjá ÍG var Ásgeir Ásgeirsson með 16 stig og 11 fráköst.

 

Öruggur sigur hjá Ísfirðingum í toppslag 1. deildar þar sem sex leikmenn liðsins gerðu 10 stig eða meira og þeirra atkvæðamestur var Ari Gylfason með 22 stig. Hjá Hetti var Michael Sloan stigahæstur með 29 stig og 11 fráköst en liðin mætast aftur í deildinni á morgun.