Keflavík var rétt í þessu að skella Njarðvíkingum í rimmunni um Reykjanesbæ í Domino´s deild karla. Heimamenn í Keflavík voru mun betri á öllum sviðum frá upphafi til enda. Lokatölur 105-84 Keflavík í vil.
Michael Craion var magnaður í liði Keflavíkur í kvöld en þrír liðsmenn Keflvíkinga gerðu 20 stig eða meira í leiknum. Craion með 31 stig og 7 fráköst, Darrel Lewis 24 stig og Gunnar Ólafsson 20 stig. Hjá Njarðvíkingum var Logi Gunnarsson með 25 stig og Elvar Már Friðriksson bætti við 21 stigi.
Mynd/ [email protected] – Lewis var sem fyrr stórhættulegur í liði Keflvíkinga með 24 stig í kvöld, 7 fráköst og eina stoðsendingu.
