Einn leikur fór fram í sænsku úrvalsdeildinni í gær þegar Jakob Örn Sigurðarson og félagar í Sundsvall Dragons heimsóttu Uppsala þegar liðin mættust í sínum öðrum leik í 8-liða úrslitum deildarinnar. Sundsvall tók 1-0 forystu á þriðjudag með 83-79 sigri á heimavelli en liðið mátti þola skell á útivelli í gærkvöldi.
Lokatölur í gær voru 82-61 Uppsala í vil þar sem Jakob Örn gerði 5 stig í liði Sundsvall. Staðan í einvíginu eru því 1-1 og mætast liðin aftur í þriðja leiknum þann 29. mars næstkomandi.
Helgi Magnússon verður svo í eldlínunni með Solna Vikings í kvöld þegar liðið heimsækir Sodertalje. Solna lenti 1-0 undir á heimavelli eftir 60-77 ósigur í fyrsta leik liðanna.
