KKÍ hefur opinberað lokahópa yngri landsliða sinna fyrir umfangsmikil landsliðsverkefni sumarsins. Alls munu átta keppnislið á vegum sambandsins vera á ferð og flugi á næstu vikum og mánuðum þar sem þau munu annaðhvort etja kappi á Norðurlandamótinu (NM), Evrópumótinu (EM) eða hvoru tveggja. Um er að ræða landsliðshópa í aldursflokkum U15 til U18 ára, auk U20 ára landsliðs kvenna sem leikur í hinni virtu A-deild Evrópumótsins í sumar.
Að svo stöddu hafa sjö af átta keppnishópum sumarsins verið staðfestir og klárir í slaginn, en mikil eftirvænting ríkir jafnan fyrir þessum stóru verkefnum þar sem framtíðarstjörnur íslensks körfuknattleiks fá dýrmæta reynslu á alþjóðlegum vettvangi. Körfuknattleiksáhugafólk þarf þó að bíða örlítið lengur eftir síðasta púsluspilinu, þar sem lokahópur U20 ára landsliðs karla verður ekki tilkynntur fyrr en í næstu viku.
Hér fyrir neðan má sjá lokahópa undir 15 ára liða Íslands.
