U18 kvk Ísland 45-81 Danmörk: Danir grimmari

U18 ára landslið Íslands mætir nú Dönum í sínum síðasta leik á NM í Svíþjóð. Fyrr í dag vann liðið sinn fyrsta sigur á NM síðan árið 2007 og þær hungrar í meira! Áfram Ísland!

Tölfræðilýsing á KKÍ.is og bein textalýsing af leiknum hér að neðan:

 

 

 

Margrét Rósa Hálfdánardóttir 11 stig, 3 fráköst og 4 stoðsendingar

Hildur Björg Kjartansdóttir 8 stig og 10 fráköst

Hallveig Jónsdóttir 6 stig, 5 fráköst og 4 stoðsendingar

__________________________________________________________________________________________

– Maður leiksins: Hildur Björg Kjartansdóttir með 8 stig og 10 fráköst

 

 

– 41-72… Danir voru að setja niður þrist og leika nú við hvurn sinn fingur.

 

– 41-67 og 3.45mín til leiksloka. 

 

– 39-63… og það fjarar undan íslenska liðinu. Danir hafa leikið afar stíft og það hefur riðið baggamuninn.

 

– 7.50mín til leiksloka: 35-52 fyrir Dani sem leika stíft og íslenska liðið kemst lítt áleiðis.

 

– Fjórði leikhluti hafinn þar sem Margrét Rósa skorar fyrstu stigin eftir gegnumbrot og staðan 33-50 fyrir Dani.

 

__________________________________________________________________________________________
– Þriðja leikhluta lokið: Staðan 31-50 fyrir Dani sem unnu leikhlutann 21-13.

 

– 51 sek eftir af þriðja og staðan 31-48 fyrir Dani, Sara Diljá að setja niður tvö víti og búin að gera fjögur stig í röð fyrir Ísland.

 

– 29-46…Sara Diljá með flott stökkskot við endalínuna.

 

– 3.00mín eftir af þriðja: 26-46… munurinn orðinn 20 stig Dani í vil. Íslenska svæðisvörnin hefur lekið síðustu mínútur.

 

– 24-37 og Danir svara fullum hálsi þessari fínu byrjun Íslands á síðari hálfleik. Danir staddir í miðjum 9-0 spretti þegar Jón Halldór tekur leikhlé fyrir Ísland. Við ætlum að stinga því að núna að dómgæslan í þessum leik er lélegur brandari! Einhver horn virðast þessir dómarar hafa í síðu íslenska liðsins sem fær ekki neitt hjá þeim. Bæði eru þeir miður góðir og virkilega ósanngjarnir í garð Íslands… höfum svo ekki fleiri orð um þetta.

 

– 7.50mín eftir af þriðja: 24-30 fyrir Dani og Marín Laufey var að fara af velli með sína fjórðu villu í íslenska liðinu.

 

– 24-29… Hildur Björg með glæsilega körfu í teignum!

 

– Fljúgandi start á síðari hálfleik hjá Íslandi sem minnka muninn í 22-29, Margrét Rósa var hér í fimmta gír upp völlinn og lagði boltann af öryggi í körfuna.

 

– Síðari hálfleikur er hafinn…

Tveggja 18,8%, þriggja 33,3% og víti 75%

 

Hildur Björg Kjartansdóttir 6 stig, 10 fráköst

Hallveig Jónsdóttir 3 stig

Margrét Rósa Hálfdánardóttir 3 stig

__________________________________________________________________________________________
– Hálfleikur: 18-29 fyrir Dani. Íslenska vörnin mun betri í öðrum leikhluta en Danir unnu leikhlutann 10-7.

 

– Danirnir að frákasta. Fá fullt af skotum.

 

– 4.30mín eftir af öðrum: 16-25 fyrir Dani og ekki laust við að smá grimmd sé að færast í íslenska liðið. Vörnin er enn eitthvað sem við þurfum að huga betur að og láta Dani hafa meira fyrir stigunum sínum. Prófa að senda þær á vítalínuna stöku sinnum.

 

– 16-25… Andrea Björt með stökkskot í danska teignum og Ísland á 5-0 skriði!

 

– 14-25...Hildur Björg að setja þrist fyrir Ísland!

 

7.20mín eftir af öðrum: 11-25 fyrir Dani. Þær dönsku eru ,,aggressívar" og íslenska liðið er ekki að standa uppi í hárinu á þeim. Það hlýnar um 5-10 gráður í Solnahallen um leið og stelpurnar brýna klærnar.

 

– 11-23 fyrir Dani sem eru mun ákveðnari. 

 

– Annar leikhluti hafinn og Danir byrja hann eins og fyrsta, eftir stolinn bolta og skora í hraðaupphlaupi. Íslenska liðið þarf að fara betur með boltann.

___________________________________________________________________________________________

– Fyrsta leikhluta lokið: 11-19 fyrir Dani. Nú þurfa stelpurnar að stoppa í götin í vörninni. Hallveig og Margrét Rósa með 3 stig eftir fyrsta leikhluta.

 

– 8-17 fyrir Dani sem eru að hitta vel, íslenska vörnin ekki nægilega þétt og ákveðin.

 

– 6-13 fyrir Dani og 1.30mín eftir af fyrsta

 

– 6-9.. Margrét Rósa að smella niður þrist fyrir íslenska liðið.

 

– 1-7 fyrir Dani, Hildur Björg gerði fyrstu íslensku stigin af vítalínunni. Danir eru ákveðnir hér á upphafsmínútunum og íslenska liðið verður að koma sér í gírinn áður en frænkur okkar slíta sig lengra frá.

 

– 7.23mín liðnar af leiknum: 0-5 fyrir Dani og Jón Halldór tekur leikhlé fyrir íslenska liðið.

 

– 0-5 fyrir Dani sem byrja með látum.

 

– Danir gera fyrstu stig leiksins úr hraðaupphlaupi.

 

– Leikur hafinn…

 

Margrét Rósa Hálfdánardóttir, Lovísa Falsdóttir, Hallveig Jónsdóttir, Marín Laufey Davíðsdóttir og Hildur Björg Kjartansdóttir.