Körfuknattleiksáhugafólk ætti ekki að verða uppiskroppa með skemmtanir þennan sunnudaginn enda írþóttahús landsins flest hver upptekin af mótum yngri flokka og þá láta meistaraflokkarnir ekki sitt eftir liggja. Tvíhöfði verður á boðstólunum í Röstinni í Grindavík, Fjölnismenn taka annan toppslag í 1. deild karla og þá eru þrír leikir í Domino´s deild kvenna og einn í Domino´s deild karla, sem sagt nóg um að vera.
Domino´s deild kvenna:
17:00 Grindavík – Snæfell
19:15 Keflavík – Haukar
19:15 Hamar – Njarðvík
Domino´s deild karla:
19:15 Grindavík – KFÍ
1. deild karla
19:15 Fjölnir – Þór Akureyri
Þá verða yngri flokkar landsins m.a. á ferðinni í Íþróttahúsi Kennaraháskólans, á Egilsstöðum, Rimaskóla, Hvammstanga, DHL-Höllinni og víðar. Sjá alla leiki dagsins hér.
Mynd/ [email protected] – Brown og félagar í KFÍ léku gegn KR síðasta föstudag og náðu að velgja toppliðinu vel undir uggum. Í kvöld mæta þeir Íslandsmeisturum síðustu tveggja tímabila, Grindavík.
