Tvennutröllið Smith: 14 í 17 leikjum

 

Einhverjir höfðu efasemdir í upphafi leiktíðar um ágæti Christopher Smith en að sögn Bárðar Eyþórssonar þjálfara Fjölnis í Iceland Express deild karla kom Smith í formleysi til landsins en kappinn hefur síðan stigið upp svo um munar. Smith landaði sinni fyrstu tvennu í fyrsta deildarleiknum með Fjölni er hann gerði 10 stig og tók 10 fráköst og bjuggust margir við því að hans biði fljótlega flugmiði í búningsklefanum þar sem Stjarnan rúllaði upp Fjölni 90-67.

Hér er hægt að lesa um fyrsta deildarleikinn hjá Smith þar sem greinarhöfundur Karfan.is þótti nú ekki mikið til hans koma.

 

Ef tölurnar hjá Smith eru skoðaðar þá hefur kappinn landað 14 tvennum í 17 deildarleikjum með Fjölni og var hann með fimm tvennur í fyrstu sex leikjum nýliðanna á tímabilinu en það voru allt tapleikir gegn sex liðum sem nú skipa efstu sæti deildarinnar, Stjarnan, Grindavík, Keflavík, Njarðvík, Snæfell og svo KR. Ekki árennilegt leikjaprógramm fyrir nýliða.

 

Eftir þessa sex leiki gegn stóru liðunum í deildinni komu loksins sigrar hjá Fjölni, fyrst gegn FSu og svo strax í næstu umferð gegn Hamri. Næst tóku við fjórir tapleikir í röð gegn ÍR, Breiðablik, Tindastól og svo Stjörnunni áður en Fjölnismenn gyrtu í brók og lögðu Grindavík á útivelli. Síðan þá hafa Fjölnismenn leikið á als oddi og unnið Njarðvík í Ljónagryfjunni og Snæfell í Grafarvogi og nú í gær lágu nýliðarnir naumlega gegn Íslandsmeisturum KR.

 

Með Smith og tvennurnar að vopni hafa ungir og efnilegir Fjölnismenn komið á óvart síðari hluta tímabils og náð í mikilvæg stig og framundan er mikil barátta við nýliðana sem vilja inn í úrslitakeppnina en 1. deildin er líka í boði ef ekki er rétt haldið á spilunum.

 

Hér að neðan gefur svo að líta tvennurnar hjá Smith sem undanfarið hefur verið illviðráðanlegur í teignum. Nú síðast hakkaði hann í sig hvern miðherjann á fætur öðrum í Íslandsmeistaraliði KR og skilaði af sér 28 stigum og 9 fráköstum, aðeins frákasti frá fimmtándu tvennunni í vetur!

 

 

Stjarnan 90-67 Fjölnir

Smith með 10 stig og 10 fráköst: Tvenna 1

 

Fjölnir 85-90 Grindavík

Smith með 23 stig og 4 fráköst: Engin tvenna

 

Keflavík 96-54 Fjölnir

Smith með 20 stig og 12 fráköst: Tvenna 2

 

Fjölnir 64-73 Njarðvík

Smith með 23 stig og 17 fráköst: Tvenna 3

 

Snæfell 110-79 Snæfell

Smith með 33 stig og 13 fráköst: Tvenna 4

 

Fjölnir 71-100 KR

Smith með 24 stig og 11 fráköst: Tvenna 5

 

FSu 77-98 Fjölnir

Tölfræði leiksins vantar/fyrsti sigurleikur Fjölnis á tímabilinu

Smith með 21 stig og 13 fráköst skv. upplýsingum frá KKÍ

Tvenna: 6

 

Fjölnir 87-79 Hamar

Smith með 26 stig og 13 fráköst: Tvenna 7

 

ÍR 84-73 Fjölnir

Smith með 27 stig og 15 fráköst: Tvenna 8

 

Fjölnir 84-87 Breiðablik

Smith með 23 stig og 11 fráköst: Tvenna 9

 

Tindastóll 90-75 Fjölnir

Smith með 20 stig og 13 fráköst: Tvenna 10

 

Fjölnir 80-100 Stjarnan

Smith með 25 stig og 14 fráköst: Tvenna 11

 

Grindavík 109-111 Fjölnir

Fyrsti 100 leikur Fjölnis á tímabilinu

Smith með 21 stig og 8 fráköst: Engin tvenna

 

Fjölnir 84-103 Keflavík

Smith með 27 stig og 16 fráköst: Tvenna 12

 

Njarðvík 70-77 Fjölnir

Smith með 18 stig og 11 fráköst: Tvenna 13

 

Fjölnir 69-64 Snæfell

Smith með Smith með 25 stig og 19 fráköst: Tvenna 14

 

KR 80-75 Fjölnir

Smith með 28 stig og 9 fráköst: Engin tvenna

 

Ljósmynd/ Ekki óalgeng sjón, Smith í tvídekkun.