Nýverið gengu tveir nýir leikmenn til liðs við Vestra. Þetta eru þeir Hörður Helgi Hreiðarsson og Þór Kristjánsson. Heimasíða Vestra greinir frá.
Í fréttinni á síðu Vestra segir einnig:
Eins og glöggir áhangendur Vestra hafa vafalaust tekið eftir lék Hörður Helgi Hreiðarsson með liðinu á útivelli gegn FSu á dögunum og skoraði 12 stig. Hörður Helgi kemur frá KV en hann lék með félaginu í 2. deild á síðasta tímabili. Hörður Helgi á að baki langan feril í úrvalsdeild og 1. deild með Val, Skallagrími og KR en með þeim síðastnefndu vann hann tvo titla tímabilið 2014-2015. Hörður Helgi er búsettur í Reykjavík en mun leika með Vestra eftir föngu.
Þá gekk Þór Kristjánsson einnig til liðs við Vestra á dögunum. Þór lék með KR í yngri flokkum en lék einnig með Lake Travis skólanum í Bandaríkjunum. Þór er sjómaður í Bolungarvík og mun æfa og keppa með liðinu eftir föngum.
Mynd úr safni/ Hörður Helgi Hreiðarsson er kominn til liðs við Vestra.
