Landsliðsmiðherjinn Tryggvi Snær Hlinason mun yfirgefa herbúðir Zaragoza í sumar en þetta staðfestir Tryggvi á Instagram-síðu sinni.
Tryggvi hefur leikið með Zaragoza í ACB-deildinni frá árinu 2019 en hann kom til liðsins frá Valencia.
Spænskir miðlar orða Tryggva nú við lið Bilbao, sem endaði í 12. sæti ACB-deildarinnar á síðustu leiktíð. Ef sá orðrómur reynist réttur mun Tryggvi flytja sig um set til Baskalands.
