Treyja númer 3 hjá Philadelphia 76ers hefur verið hengd í rjáfur Wells Fargo Center. Í gærkvöldi fór fram athöfn þar sem Iverson fékk viðeigandi móttökur hjá stuðningsmönnum liðsins. Það er óhætt að segja að Iverson sé einn af þeim bestu sem spilað hafa leikinn. Færni hans með boltann, hraði og ótrúlegur sprengikraftur setti ekki ómerkari menn en konunginn sjálfann, Michael Jordan á hælana í tilraun sinni til að dekka kappann. Iverson hafði á orði að eftir feril sinn myndi hann vilja kaupa sér stöng og halda á fiskveiðar í rólegheitum. Forráðamenn 76ers tóku hann á orðinu og gáfu honum smábát til að skella sér út á næstu tjörn og halda til veiða. Bátnum var að sjálfsögðu gefið nafnið “The Answer”
Á myndbandinu hér að neðan má sjá frá athöfninni.
