Ísland mun kl. 12:00 að íslenskum tíma í dag leika lokaleik sinn á lokamóti EuroBasket 2025 gegn Frakklandi.
Fyrir leik dagsins eru örlög beggja liða ráðin, Ísland mun ekki eiga þess kost að fara áfram í 16 liða úrslitin á meðan Frakkland er öruggt áfram, þó þeir vissulega séu að berjast við Ísrael, Pólland og Slóveníu um sem hæsta sætið í riðlinum.
Ísland hefur ekki oft spilað mótsleik gegn Frakklandi síðasta áratuginn. Voru þó með þeim í riðil á síðasta lokamóti 2017 þar sem Frakkland vann með 36 stigum, 115-79.
Í þeim leik var það Jón Arnór Stefánsson sem var atkvæðamestur fyrir Ísland með 23 stig, 7 fráköst og Martin Hermannsson bætti við 13 stigum.
Leikur dagsins hefst kl. 12:00 að íslenskum tíma og verður í beinni útsendingu á RÚV.
