Í dag fer fram næstsíðasta umferðin í Domino´s-deild kvenna en það er 27. umferð deildarkeppninnar. Gleði og glaumur verður í Stykkishólmi þar sem Íslandsmeistarar Snæfells fá deildarmeistaratitilinn afhentan að leik loknum.
Aðeins fjögur stig eru í pottinum svo Snæfell verður ekki haggað úr 1. sæti með 46 stig, Keflavík verður ekki haggað úr 2. sæti með 40 stig og gagnvart Val eru Haukar öruggir inn í úrslitakeppnina með 34 stig en Valur hefur 28. Stóra spurningin er hvort það verði Grindavík eða Valur sem taka lokasætið í úrslitakeppninni. Fjórum stigum munar á Grindavík og Val, gular með 32 stig í 4. sæti en Valur í 5. sæti með 28 stig.
Valur og Grindavík mætast í lokaumferð deildarinnar í Vodafonehöllinni, þetta gæti þó ráðist í dag þegar Grindavík mætir Keflavík því ef Grindvíkingar vinna er ljóst hvaða fjögur lið verða í úrslitakeppninni og lokaumferðin mun þá ekki skipta máli. Ef Grindavík tapar í dag og Valur vinnur þá verður ansi athyglisverður leikur þeirra í lokaumferðinni. Valur hefur betur innbyrðis 2-1 í leikjum liðanna. Til að Valur fari í úrslitakeppnina þarf Grindavík að tapa í dag og í lokaumferðinni og Valur að vinna í dag og leikinn í lokaumferðinni.
Þá getur KR endanlega afgreitt Breiðablik niður í 1. deild kvenna þegar liðin mætast í DHL-Höllinni í dag. KR er í 7. sæti með 10 stig en Blikar á botninum með 6 stig og dugir Kópavogskonum ekkert annað en tveir sigrar og von um að KR tapi rest til þess að halda sér í deildinni.
Leikir dagsins í Domino´s-deild kvenna, 27. umferð:
15:00 Snæfell – Hamar
16:30 Keflavík – Grindavík
16:30 Valur – Haukar
17:00 KR – Breiðablik
Staðan í Domino´s-deild kvenna
Deildarkeppni
| Nr. | Lið | L | U | T | S | Stig/Fen | Stg í L/Fen m | Heima s/t | Úti s/t | Stig heima s/f | Stig úti s/f | Síðustu 5 | Síð 10 | Form liðs | Heima í röð | Úti í röð | JL |
|---|---|---|---|---|---|---|---|---|---|---|---|---|---|---|---|---|---|
| 1. | Snæfell | 26 | 23 | 3 | 46 | 2016/1618 | 77.5/62.2 | 11/2 | 12/1 | 78.4/62.2 | 76.7/62.3 | 4/1 | 8/2 | +2 | +1 | +3 | 5/0 |
| 2. | Keflavík | 26 | 20 | 6 | 40 | 2157/1712 | 83.0/65.8 | 12/1 | 8/5 | 87.9/64.1 | 78.0/67.6 | 3/2 | 7/3 | +1 | +7 | -3 | 0/2 |
| 3. | Haukar | 26 | 17 | 9 | 34 | 1844/1699 | 70.9/65.3 | 9/4 | 8/5 | 71.8/63.7 | 70.0/67.0 | 5/0 | 6/4 | +5 | +2 | +3 | 2/4 |
| 4. | Grindavík | 26 | 16 | 10 | 32 | 1871/1833 | 72.0/70.5 | 8/5 | 8/5 | 76.0/72.2 | 67.9/68.8 | 3/2 | 6/4 | -1 | -2 | +2 | 2/0 |
| 5. | Valur | 26 | 14 | 12 | 28 | 1912/1842 | 73.5/70.8 | 6/7 | 8/5 | 73.1/71.2 | 74.0/70.5 | 2/3 | 5/5 | -3 | -1 | -2 | 4/2 |
| 6. | Hamar | 26 | 6 | 20 | 12 | 1444/1921 | 55.5/73.9 | 3/10 | 3/10 |
Fréttir
- Auglýsing -
  |
