Tindastóll hefur ákveðið að semja við spánverjan Fernando Bethencourt Muñoz um að leika með liðinu á næsta tímabili. Munoz verður aðstoðarþjálfari Israel Martin hjá félaginu. Þetta kom fram á Feykir.is í gær.
Fernando Munoz kemur frá Tenerife en hann er menntaður íþróttafræðingur sem sérhæfir sig í líkamlegri þjálfun körfubolta. Síðast starfaði hann sem íþróttaþróunaraðili (e. Sports development coordinator) hjá Club Baloncesto Almuñecar í Granada. Samkvæmt Feyki segir Stefán Jónsson formaður körfuknattleiksdeildar Tindastóls að um happafeng sé að ræða fyrir skagfirðinga.
Munoz mun einnig starfa sem spænskukennari í Fjölbrautaskólanum á Sauðárkróki. Samningur hans er til eins árs með möguleika á árs framlengingu.