Úrslitaeinvígi 1. deildar karla hefst í kvöld þegar Valsmenn heimsækja Þór á Akureyri. Við fengum Örvar Kristjánsson þjálfara Fjölnis til að spá í spilin.
Lítið svo sem séð til Þórsara en veit að þar er á ferðinni gott lið sem berst og gefst aldrei upp. Mikið mun mæða á Tota og þá hugsa ég að hinn reyndi Óðinn Ásgeirsson verði að skila góðu framlagi svo Þórsara eigi möguleika. Heimavöllurinn mun eflaust gefa norðanmönnum aukið sjálfstraust en ég er ekki bjartsýnn fyrir þeirra hönd.
Valsmenn eru á siglingu og með mikið sjálfstraust og ég trúi því einfaldlega að þeirra tími sé kominn. Sóknarlega eru þeir sterkir og hafa fleiri möguleika og hungrið þeirra er eflaust mikið eftir áföll síðustu ára. Valur á að vera í efstu deild að mínu mati og þeir klára Þórsara 2-0.
Wooden og Perre verða erfiðir og Þórsarar leggja allt kapp á að hemja þá og ef það tekst þá verður þetta spennandi.
