Teitur Örlygsson hefur í gegnum tíðina sett þá nokkra þristana og í gegnum sömu tíð hefur hann tekið þátt í þeim ófáum þriggjastiga skotkeppnum. Einn peyji í 11. flokki hjá Stjörnunni vandaði kvæði sínu í kross og skoraði Teit í eina slíka Þeir hófu leik og Teitur líkt og áður sigraði og lét fylgja “Ég hef aldrei tapað í þessum leik”
Teitur ákvað að leyfa kauða að fá annan möguleika og lofaði þeim yngri 5000 krónum ef hann næði að sigra og sagði honum að hefja leik. Guttinn sá sér hinsvegar leik á borði þegar hann sagði Teit að gera fyrstur í von um að eiga möguleika á “einum bláum” í lok dags.
Teitur þakkaði fyrir sig og setti niður 11 þrista í röð og í heildina 13/15, rétti þeim stutta svo boltann og sagði “Þú átt séns”
Saga þessi ætti að kenna þeim yngri að lesa sig vel og vandlega til um sögu þeirra “gömlu” leikmanna sem nú stjórna liðum landsins. Þeir hafa vissulega bætt á kílóum og hrukkum, en boltinn hverfur aldrei úr fingrunum.
Mynd: Teitur ásamt syni sínum Aron í góðgerðarleik Njarðvíkinga í fyrra.
