Þrenna Rubio dugði ekki gegn Clippers

Ricky Rubio sportaði þrennu í NBA deildinni í nótt þegar hann gerði 18 stig, tók 12 fráköst og gaf 11 stoðsendingar gegn LA Clippers í nótt. Það dugði ekki til því Clippers kláraði leikinn 110-105 þar sem Chris Paul var með 26 stig og 14 stoðsendingar hjá Clippers.

 

 

Jarrett Jack afgreiddi svo Golden State þegar Brooklyn lagði Curry og félaga. Jack kom Brooklyn í 110-108 með erfiðu stökkskoti þegar 1,1 sekúnda var eftir. Curry fékk að sjálfsögðu boltann í lokasókn Golden State en kom ekki af skoti.

 

Þá var úr því skorið að James Harden fengi eins leiks bann fyrir að sparka í LeBron James í viðureign Houston og Cleveland. Vissara að láta krúnudjásn Kóngsins í friði.

 

Þá er ekki úr vegi að skoða hvernig úrslitakeppnin myndi líta út í NBA ef blásið yrði til hennar akkúrat í dag:

 

 

(1) Atlanta vs (8) Brooklyn

(2) Toronto vs (7) Miami

(3) Chicago vs (6) Milwaukee

(4) Cleveland vs (5) Washington

 

 

(1) Golden State vs (8) Oklahoma

(2) Memphis vs (7) San Antonio

(3) Houston vs (6) Dallas

(4) Portland vs (5) LA Clippers