Þórsarar unnu Valsmótið 2012

Þór úr Þorlákshöfn vann Valsmótið 2012 en því lauk í Vodafonehöllinni að Hlíðarenda í dag þar sem síðasti leikur mótsins var viðureign Þórs og Skallagríms þar sem Þór fór með 82-76 sigur af hólmi.

Hér að neðan fer umsögn um leiki dagsins á Valsmótinu. Þá má hér nálgast myndasafn eftir Tomasz Kolodziejski frá viðureign Augnabliks og Skallagríms í dag.

 

 

1.lh 13-31

2.lh 39-54

3.lh 53-77

4.lh 60-97

 

Skemmst frá því að segja að Þórsarar mættu mun sterkari til leiks að þessu sinni og Valsmenn virkuðu flatir og þreyttir. Þór gekk á lagið og var með örugga forystu eftir 1.lh 31-13. Valsmenn náðu að minnka muninn aðeins í öðrum leikhluta en síðan ekki söguna meir og Þór vann auðveldan sigur á Valsmönnum 97-60

 

Stigahæstu menn í leiknum voru fyrir Þór

Robert Diggs 23 stig

Darri og Grétar 21 stig hvor

 

Hjá Val voru stigahæstir

Benedikt Blöndal og Þorgrímur Guðni með 13 stig hvor

Ragnar var með 10 stig og aðrir minna

 

 

1.lh 20-24

2.lh 36-48

3.lh 66-59

4.lh 76-86

 

Augnablik byrjaði leikinn heldur betur 8-2 á upphafsmínútun en Skallarnir bitu frá sér og höfðu 4 stiga forystu eftir 1.leikhluta. Skallarnir héldu síðan áfram og náðu fínni forystu sem Augnablik var alltaf að reyna að saxa niður. Náðu muninum mest niður í 3 stig en svo náðu Skallarnir að sigla þessu í örugga 10 stiga höfn.

 

Stigahæstu menn í liði Skallanna voru:

Sigurður og Davíð Ásgeirs með 13 stig hvor

Orri Jónsson var með 12 stig

Davíð Guðmunds var með 11 stig.

 

Stigahæstir í liði Augnabliks voru:

Leifur Steinn með 22 stig

Þórólfur 21 stig

Jónas Ólason með 10 stig

 

 

1.lh 15-14

2.lh 31-37

3.lh 57-59

4.lh 77-72

 

Fjölnismenn voru mættir aftur með flesta sína menn en Valsmenn hófu þennan leik af miklum krafti og komust í 11-1 eftir 5 mínútna leik, Fjölnismenn náðu þó áttum og minnkuðu muninn niður í 1 stig í lok leikhlutans 14-15. Gestirnir úr Grafarvoginum reyndust svo mun sterkari í 2.leikhluta og náðu að komast mest 10 stigum yfir í honum en staðan í hálfleik 31-37. Seinni hálfleikur var síðan í járnum og skiptust liðin á að hafa forystuna í hröðum leik. Í fjórða og síðasta leikhlutanum tóku Valsmenn hinsvegar öll völd á vellinum og sigruðu hann 20-12 og sigldu fínum sigri í hús 77-72. Fjölnismenn fengu fín tækifæri til þess að jafna eða komast yfir i stöðunni 74-72 fyrir Val en að lokum voru það Valsmenn sem skoruðu þriggja stiga körfu beint eftir leikhlé 77-72 og innan við 20 sekúndur eftir.

 

Stigahæstir í Valsliðinu voru

Ragnar 23 stig

Birgir 17 stig

Kristinn 11 stig.

 

Stigahæstir í Fjölnisliðinu voru:

Elvar með 20 stig

Arnþór og Morgan 16 stig hvor

Jón 8 stig.

 

Síðasti leikur dagsins var síðan viðureign Þórs Þorláskhafnar og Skallagríms, úr varð hörkuleikur þar sem Skallarnir höfðu forystu á köflum en Þórsarar reyndur þó sterkari á lokasprettinum og höfðu sigur 82-72. 

 

 

Að þessu sinni er því vel heppnuðu Valsmóti lokið með Þórssigri. Þeir sigruðu alla 4 leiki sína nokkuð örugglega. Valsmenn enda síðan í 2 sæti eftir 3 sigra og 1 tap. Skallagrímur, Fjölnir og Augnbalik eru síðan öll jöfn  2 stig eða 1 sigur og 3 töp.

 

Þór Þorlákshöfn 8 stig

Valur 6 stig

Fjölnir  2 stig

Augnablik  2 stig

Skallagrímur   2 stig

 

Við náðum í skottið á Sævaldi Bjarnasyni annars tveggja þjálfara Valsmanna í lok móts og rifum upp úr honum nokkrar línur.

 

 

Við erum fyrst og fremst bara sáttir að mótið sé haldið aftur og það tókst að okkar mati með ágætum. Allar tímasetningar stóðust og viljum við þakka þeim sem komu að mótinu í ár kærlega fyrir aðstoðina. Bæði sjálfboðaliðum og þeim liðum sem komu. Vonandi er þetta komið til að vera áfram með þessu fyrirkomulagi og við getum bara bætt okkur fyrir næsta ár, fengið t.d fleirri lið inn í mótið og haldið kvennamót samhliða á næsta ári. Það er a.m.k. markmiðið að Valsmót verði eftirsótt æfingamót sem lið vilji koma í eins og það var hér á árum áður.

 

Hvað okkur Valsmenn varðar þá erum við bara nokkuð glaðir í bragði. Okkar væntingar til þessa móts voru að ná nokkrum æfingaleikjum við góð lið og reyna að bæta okkur leik frá leik. Ég held að það hafi tekist bærilega hjá okkur, við vorum að spila við þrjú úrvalsdeildarlið og eitt fyrstu deildar lið um helgina þannig þetta var bara ágætt og vonandi náðu önnur lið að gera slíkt hið sama, ef svo er hljóta allir að vera kátir.