Fjórði leikur 8 liða úrslitaeinvígis Hauka og Þórs fer fram í Þorlákshöfn kl 19:15 í kvöld. Haukar leiða einvígið með 2 sigrum gegn 1 og geta því klárað dæmið í þessum leik. Við ræddum létt við þjálfara Snæfells, Inga Þór Steinþórsson, um hvernig honum þætti einvígið hafa verið hingað til og fjórða leikinn.
Hvernig finnst þér serían hafa verið?
Serían hefur verið máluð af þessum meiðslum Kára og ekki brottrekstri og svo brottrekstri kanans hjá Haukum. Er Raggi fauti og allskonar bull, Ragnar var klaufalegur í þessari hindrun en hann spilar ekki til að meiða menn, Kári er kominn aftur á gólfið og áfram gakk. En mikið drama og það er stór partur af úrslitakeppninni. Það liggur í loftinu að þetta er 5 leikja viðureign.
Afhverju leiða Haukar einvígið 2-1?
Haukar leiða þetta einvígi vegna þess að Þórsarar hafa ekki ennþá spilað af sinni bestu getu. Og Haukar hafa verið að sýna aðeins betri spilamennsku og gert vel varnarlega. Það eru gæði í báðum liðum, en við höfum enn ekki séð allt sem þau geta. Þetta eru búnir að vera jafnir leikir og vonandi verða þeir það áfram.
Hvaða máli skiptir fyrir Hauka að vera án Brandon Mobley?
Það þjappar Haukum saman líkt og það gerði í síðasta leik, það eitt og sér gefur Þórsurum enga ávísun á sjálfsgðan heimasigur, bæði lið eru að selja sig dýrt og dauðlangar báðum í undanúrslitin.
Hvernig á 4. leikurinn eftir að spilast?
Þórsarar fá framlag frá fleirum leikmönnum en þeir hafa gert þar sem Metabollictröllið er búið að fínpússa leik sinna manna í Þór. Haukar munu reyna að koma Finn Atla meira inní leikinn hjá sér líkt og í síðasta leik svo að unnustan bíði ekki heima með kökukeflið eftir honum að leik loknum. Haukar þurfa Emil, Kára og Hauk með stóra drengnum úr laugarnesinu til að sigra.
Morgundagurinn verður mikið fjör.
