Þórir segir KR ætla fara enn lengra í ár en í fyrra í VÍS bikarkeppninni ,,Ætlum okkur að vinna þennan bikar í ár”

Dregið var í undanúrslitum VÍS bikarkeppninnar í hádeginu í dag.

Hér fyrir neðan má sjá hvaða lið mætast, en bikarvikan er 3.-8. febrúar næstkomandi.

Undanúrslit karla – Þriðjudagur 3. febrúar

Keflavík Stjarnan -kl. 17:15

Tindastóll KR – kl. 20:00

Undanúrslit kvenna – Miðvikudag 4. febrúar

Keflavík Hamar/Þór – kl. 17:15

Tindastóll Grindavík – kl. 20:00

Karfan var á svæðinu og ræddi við Þóri Guðmund Þorbjarnarson leikmann KR eftir að ljóst var að hans menn myndu mæta Tindastól í undanúrslitunum. Þórir og hans menn í KR fóru í úrslitaleik keppninnar í fyrra þar sem þeir lutu í lægra haldi gegn Val.