spot_img
HomeFréttirThelma Dís aftur til Bandaríkjanna

Thelma Dís aftur til Bandaríkjanna

Framherjinn Thelma Dís Ágústsdóttir mun aftur halda vestur um haf til Bandaríkjanna fyrir næsta tímabil og halda áfram að leika með Ball State Cardinals í bandaríska háskólaboltanum. Staðfestir leikmaðurinn þetta í samtali við Körfuna fyrr í dag.

Thelma Dís fór fyrst út til náms fyrir þremur árum, en kláraði grunnnám sitt við Ball State nú í vor og gat þar af leiðandi leikið með liði sínu á Íslandi, Keflavík, í undanúrslitum Dominos deildar kvenna. Mun hún nú halda út til þess að klára tveggja ára meistaranám við sama skóla og halda áfram að leika með Cardinals í MAC hluta bandaríska háskólaboltans.

Áður en Thelma hélt upphaflega til Bandaríkjanna vann hún allt sem í boði var með liði Keflavíkur og þá var hún einnig valin besti leikmaður tímabilsins 2016-17. Á síðasta tímabili með Ball State skilaði Thelma 11 stigum, 5 fráköstum og 2 stoðsendingum að meðaltali í leik og var hún gífurlega skilvirk sóknarlega með 42% þriggja stiga nýtingu og 77% skotnýtingu af gjafalínunni.

Fréttir
- Auglýsing -