Þór frá Þorlákshöfn sigraði Snæfell fyrr í kvöld á heimavelli sínum með 110 stigum gegn 85. Eftir leikinn er þór í 2.-4. sæti deildarinnar á meðan að Snæfell eru í því 12.
Þáttaskil
Ljóst var frá fyrstu mínutu leiksins að það voru heimamenn sem ætluðu sér að fara með sigur í kvöld. Þeir náðu strax forrustu og héldu henni til leiksloka. Stigaskor dreifðist jafnt á lið Þórs á meðan að Sefton Barrrett dró vagninn að mestu einn síns liðs fyrir Snæfell
Hetjan
Þó að Sefton Barrett hafi ekki verið í sigurliðinu í kvöld, þá verður ekki litið fram hjá því að hann skoraði 35 stig tók 15 fráköst og gaf 5 stoðsendingar á þeim 35 mínútum sem hann spilaði.
Ragnar Bragason átti fínan leik fyrir Þór og kveikti í áhorfendum með troðslum sínum og fallegum þriggja stiga körfum, eins og fyrirliði liðsins Emil Karel sem átti góðan leik í kvöld. Mikið ánægðju efni var fyrri heimamenn að endurheimta Grétar Inga aftur, en hann er nýkominn til baka úr puttabroti, auk þess sem hann átti erfitt sumar á togaranum í sumar.
Tölfræðin
Ef litið er á tölfræðina sést að Snæfell er ekki að fá nema 13 stig af bekknum hjá sér á meðan að bekkur Þórs skoraði 51 stig. Ljóst er að fleiri leikmenn þurfa að leggja í púkkið og ekki víst að Barrett geti skorað 35 stig á hverju kvöldi í vetur.
Kjarninn.
Mikil getu munur er á liðinum og virkuðu Þórsarar mikið öruggari í öllum sínum aðgerðum. Þó er ekki annað hægt en að hrósa Snæfellingum sem spiluðu á köflum í fyrr hálfleik fínan körfubolta, en það dugði þó ekki að þessu sinni og urðu lokatölur 110-85, leikurinn varð nokkuð viltur í lokin, lítið um vörn og yngri leikmenn liðanna spreyttu sig, Benjamín Þorri skoraði síðustu stig Þórs og reis allt húsið úr sætum og klappaði fyrir þeim dáðadreng.
Umfjöllun Rúnar Gunnarsson
