13:48
{mosimage}
Helena Sverrisdóttir og félagar í TCU töpuðu í gær fyrir San Diego háskólanum í undanúrslitum um Mountain West titilinn. Helena var stigahæst ásamt öðrum leikmanni með 12 stig.
TCU leiddi mest allan leikinn og það var í rétt endann sem San Diego komst yfir. Adrianne Ross leikmaður TCU átti lokaskotið en geigaði og TCU tapaði með tveimur stigum 69-67.
San Diego spilar til úrslita gegn New Mexico en þessi lið skipuðu sjötta og fjórða sætið í keppninni. TCU var nr. 2.
Helena var í byrjunarliðinu og lék mest allra leikmanna TCU eða 33 mínútur. Á þeim tíma skoraði hún 12 stig. Skoraði úr tveimur þriggja stiga og þremur tveggja stiga. Hún var með sex fráköst, tvær stoðsendingar, tvo stolna bolta og tvö varin skot.