Helena Sverrisdóttir skoraði 14 stig í nótt fyrir bandaríska háskólaliðið TCU sem lagði Houston 69-57 á heimavelli TCU, Daniel-Meyer Coliseum. Með sigrinum batt TCU enda á þriggja leikja taphrynu sína sem liðið mátti þola á Paradise Jam mótinu sem fram fór á dögunum á Jómfrúareyjum.
Helena átti flotta leik í nótt með 14 stig, 9 fráköst og 8 stoðsendingar. Hún var einnig með 3 stolna bolta og 2 varin skot á þeim 33 mínútum sem hún lék í leiknum. Emily Carter liðsfélagi Helenu svar stigahæst í leiknum með 26 stig.
Aðfararnótt fimmtudags máttu María Ben Erlingsdóttir og UTPA sætta sig við ósigur gegn Stephen F. Austin skólanum á útivelli. Lokatölur 96-67 Austin skólanum í vil. UTPA hefur nú tapað fjórum leikjum í röð en þrír þeirra voru á BTI Invitational mótinu sem fram fór í Oklahoma. María var í byrjunarliðinu gegn Austin en náði ekki að skora á þeim 12 mínútum sem hún lék í leiknum en stal einum bolta.
Ljósmynd/ Helena var ekki fjarri þrennunni í nótt.
