Elvar Már Friðriksson mátti þola tap gegn sínum gömlu félögum PAOK frá Grikklandi er hann og pólskir liðsfélagar hans í Anwil Wloclawek töpuðu með einu stigi í annarri umferð FIBA Europe Cup, 93-94.
Á tæpum 25 mínútum spiluðum í leiknum skilaði Elvar Már 11 stigum, 2 fráköstum, 6 stoðsendingum og stolnum bolta.
Elvar Már og félagar fara frekar hægt af stað í Evrópukeppninni þetta árið, en þeir hafa tapað fyrstu tveimur leikjum sínum.
