Íslenska kvennalandsliðið mun mæta heimakonum í Ungverjalandi kl. 16:00 á morgun að íslenskum tíma í undankeppni EuroBasket 2023. Liðið hélt út til borgarinnar Miskloc síðasta mánudag og hefur verið við æfingar í glænýrri höll Diósgyőri VTK, en leikurinn verður spilaður þar.
Hér má sjá hvaða 12 leikmenn verða í liðinu gegn Ungverjalandi
Karfan spjallaði við systurnar Önnu Ingunni og Agnesi Maríu Svansdætur eftir æfingu í dag og spurði þær út í leikina í þessum glugga og hvernig það er að vera saman í landsliðinu. Báðar koma þær úr Keflavík og hafa báðar leikið upp öll yngri landslið Íslands. Anna hefur þó verið með a landsliðinu í síðustu verkefnum á meðan að Agnes María mun nú vera í fyrsta skipti valin í liðið.
Umfjöllun Körfunnar um íslensku landsliðin er kostuð af Lykil
