ÍA tók í kvöld á móti Snæfelli í einum af vesturlands slögum tímabilsins, en um var að ræða síðasta leik 15. umferð 1. deildar. Sigur í leiknum skipti bæði liðin miklu máli, Skagamenn í baráttu um 5. Sæti og heimavallar réttinn í úrslitakeppninni og Hólmarar í harðri baráttu um að halda sæti sínu í deildinni.
Liðin hituðu vel upp enda vetrar veður úti og -8 °C á Akranesi þegar leikurinn hófst. Upphitunin virðist hafa virkað ágætlega en liðin skorðu bæði 20+ stig í fyrsta leikhluta og heimamenn héldu uppteknum allan leikinn á meðan mótvindur var í stigaskori gestanna sem fóru í gegnum þrjá næstu leikhluta með minna en 20 stig skoruð. Lokatölur leiksins urðu 94 – 75 fyrir ÍA en þær gefa samt ekki alveg rétta mynd af leiknum. Leikurinn var á köflum frekar jafn og þegar ÍA virtist vera að hrista Snæfell af sér komu Snæfellingar alltaf til baka og héldu lífi í leiknum. Sóknarleikur ÍA fyrstu 5 mínútur fjórða leikhlutar hikstaði og Snæfell gekk á lagið minnkaði muninn í 7 stig en minni varð munurinn ekki og seiglu sigur Skagamanna staðreynd.
Gaman að segja frá því að:
Snæfell tók 44 fráköst á móti 33 fráköstum ÍA í leiknum
ÍA tók aðeins 5 sóknarfráköst í leiknum á móti 18 sóknarfráköstum Snæfells
Þrátt fyrir sóknarfrákastamun þá tók ÍA alls 61 skot í leiknum á móti 64 skotum Snæfells
ÍA tók 31 tveggja stiga skot í leiknum og 30 þriggja stiga skot auk 25 vítaskota
Snæfell tók 37 tveggja stiga skot og 27 þriggja stiga skot auk 33 vítaskota
Alls léku 9 leikmenn ÍA 14 mínútur eða meira
Alls léku 6 leikmenn Snæfells 22 mínútur eða meira
Umfjöllun / HGH
Myndir / Jónas H. Ottósson
